चायनीज फोडणीचा भात

लागणारा वेळ:

१० मिनिटे

लागणारे जिन्नस:

शिळा भात : २ वाट्या
सिमला मिरची : १
टॉमेटो : १
लसूण : ४-५ पाकळ्या
कांदा : १
लाल मिरचीची भरड : १ चमचा
काळी मिरी पावडर : आर्धा चमचा
सोया सॉस : २ चमचे
मीठ : चवी नुसार
तेल : २ चमचे

 

क्रमवार पाककृती:

शिळा भात मोकळा करून घ्यावा.
कांदा, लसूण, सिमला मिरची, टॉमेटो सर्व बारीक चिरून घावे.
तेल तापले की त्यात लाल मिरचीचा भरडा ( चिली फ्लेक्स) टाकावे, लसूण टाकावा. लगेच कांदा अन सिमला मिरची टाकावी. दोन मिनिटं परतावे.
त्यावर भात,टॉमेटो, मीठ, सोयासॉस, काळी मिरी पावडर टाकावी. मध्यम आचेवर ४-५ मिनिटं परतावे.
तयार आहे गरमा गरम चायनीज फोडणीचा भात !

 

वाढणी/प्रमाण:

माझ्या लेकाने सगळा गट्टम केला :)

 

अधिक टिपा:

मधल्या वेळेस मुलांना द्यायला छान !
वाटलं तर कोबी, फरजबी, गाजर, मटार ही यात अ‍ॅड करता येतील .

 

माहितीचा स्रोत:

माझाच प्रयोग