साहित्य
प्लॉवर एक गड्डा, फुलं सुटी करून
बटाटे 2, सोलून 8 भाग करून
कांदा एक मोठा बारीक चिरून
टॉमेटो एक मोठा बारीक चिरून
हळद, तिखट, मीठ, तेल, हिंग
ओलं खोबरं, खवणलेलं अर्धा वाटी
आलं एक इंच
कोथिंबीर, कढिपत्ता
कृती
गॅस मध्यम आचेवर ठेवून त्यावर मोठे भांडे ठेवावे. त्यात तेल घालून हिंग घालावे, लगेच कढिपत्ता अन कांदा घालावा. कांदा लालसर होत आला की टॉमेटो टाकावा. तेल सुटे पर्यंत परतावे. आता गॅस मंद करून तिखट हळद घालून वर फ्लॉवर आणि बटाटे टाकून पुन्हा सगळे छान परतून घ्यावे. आता त्यात दोन वाट्या गरम पाणी गालून सगळे नीट हलवून झाकण ठेवून नीट शिजू द्यावे.
तोवर मिक्सरमधे ओलं खोबरं, आलं जरा चिरून, आणि थोडी कोथिंबीर बारीक वाटून घ्यावं. हवं तर अगदी थोडं पाणी घालावं.
बटाटा, प्लॉवर बोटचेपा शिजला की त्यात हे वाटण, मीठ आणि कोथिंबीर टाकून छान उकळू द्यावं. गॅस बारीक करून पुन्हा एक वाफ काढावी.
या रश्याला पाणी अंगचच राहिल इतपतच ठेवावं, फार पांतळ रस्सा करू नये.