रसपात्रा - गुजराती पदार्थ

लागणारा वेळ: १० मिनिटे

 

लागणारे जिन्नस:

अळूच्या उकडलेल्या वड्या ५ - ६
चिंचेचा कोळ अर्धी वाटी
गूळ एक मोठा - लिंबा एव्हढा खडा
तिखट १ चमचा
हळद पाव चमचा
मीठ चवीप्रमाणे
कोथिंबीर
कढीपत्त्याची ४ -५ पाने
तेल २ चमचे
जिरे अर्धा चमचा
पाणी अर्धा कप

 

क्रमवार पाककृती:

पातेल्यात तेल टाकून तापत ठेवा.
त्यात जिरे टाका. जिरे तडतडले की त्यात कढीपत्ता टाका. हिंग टाका. तिखट, हळद, मीठ टाका. आता त्यात चिंचेचा कोळ टाका. गूळ टाका. पाणी टाका. कोथिंबीर टाका.
एक उकळी आली, गूळ नीट विरघळला की त्यात अळूच्या वड्या सोडा. उकळी आली की झाकण ठेऊन २ -४ मिनिटं शिजवा.
तयार आहे झणझणीत रसपात्रा.

 

वाढणी/प्रमाण:

दोघांना पुरेल

 

अधिक टिपा:

हे नुसतेच खायचे ( खरे तर ओरपायचे) जसे इडली सांबार खातो तसे. या नंतर मस्त मुगाच्या डाळीची खिचडी. आत्मा तृप्त