मूग, हरबरा, उडिद, तूर, मसूर सगळ्या डाळी 5-5 चमचे रात्री बिझत घालणे.
एक वाटी इडली रवा रात्री भिजत घालणे.
सकाळी सगळं भरडसर वाटून घेणे.
मका, मटार 5-5 चमचे घेऊन ते पाण्यात उकळत ठेवणे.
एका बाऊलमधे भरड वाटलेल्या डाळी, भिजवलेला इडली रवा एकत्र करावे.
कांदा, कांदापात, सिमला मिरची सगळे बारीक चौकोनी चिरून घ्यावे. गाजर किसून घ्यावे. हे सगळे 5-5 चमचे पिठात घालावे. आता उकडलेले मटार, मका दाणे पाण्यातून काढून तेही पिठात टाका.
7-8 मिरे खरडून घ्या. ते पिठात टाका.
हिरव्या मिरच्या 2-4 बारीक चिरून पिठात टाका.
आता पिठात मीठ घालून, हवे तसे पाणी घालून सरसरीत भिजवा. फार पांतळ नको.
अर्धातास झाकून ठेवा.
नंतर अप्पे पात्रात थोडे तेल टाकून 1-1 चमचा मिश्रण टाकून झाकण ठेऊन 3-4 मिनिटं बारीक गॅसवर शिजू द्या . झाकण काढून पलटवा, गॅस मोठा करून 2 मिनिट ठेवा. मग काढून सॉर, चटणी या सोबत सर्व्ह करा.
