साहित्य:
भिजवून मोड आलेले सोललेले वाल एक वाटी
तांदुळ एक वाटी
ओलं खोबरं पाव वाटी
लसूण 7-8 पाकळ्या
हिरवी मिरची एक
कांदे दोन
हिंग, हळद, तिखट, मीठ
कोथिंबीर, लिंबु/दही
कृती
कांदे बारीक चिरून घ्यावे.
निम्मा कांदा, खोबरं, लसूण, मिरची सगळं बारीक वाटावं थोडं पाणी घालून.
पातेल्यात 3-4 चमचे तेल घालून ते चांगलं गरम झालं की गॅस बारीक करून त्यात हिंग, हळद घालून वर वाल परतावेत दोन मिनिटं, मग त्यावर कांदा घालून तोही परतावा दोन मिनिटं. आता धुतलेले तांदूळ परतावेत दोन मिनिटं. मग वाटण घालून दोन मिनिटं परतावं.
आता आधणाचं पाणी घाला. तिखट, मीठ घाला. गॅस मोठा करून छान उकळू द्या. पाणी थोडं आळलं की कोथिंबीर टाकून गॅस बारीक करून झाकण ठेऊन खिचडी शिजू द्या. साधारण 7-8 मिनिटं.
वाढताना सोबत ओलंखोबरं, कोथिंबीर, लिंबू वाढा. पोह्याचा पापड सोबत असेल तर लिंबा एेवजी दही :)
No comments:
Post a Comment